Calvin Klein-ის მთავარი სახე ცნობილი პუერტორიკოელი შემსრულებელი Bad Bunny-ია.
მუსიკოსი Calvin Klein Underwear ხაზის ახალი კოლექციით ფოტოგრაფმა მარიო სორენტიმ აღბეჭდა.
„მქონდა მთელი რუტინა იმისათვის, რომ კამპანიის გადაღებისას საუკეთესო ფორმაში ვყოფილიყავი, ვიკვებებოდი ძალიან ჯანსაღად და ვვარჯიშობდი მაქსიმალურად“, – თქვა მუსიკოსმა.
კოლექცია მოიცავს ბრენდის ერთ-ერთი ყველაზე მოთხოვნადი მოდელის, Icon Cotton Stretch-ის განახლებულ დიზაინს, რომელიც Calvin Klein-ის მარადიულ სტილს აგრძელებს და მინიმალიზმსა და კომფორტზე აკეთებს აქცენტს. ისევე როგორც Icon Cotton Stretch მოდელები, ახალი კოლექციის კლასიკური მაისურებიც თეთრ, შავ და ნაცრისფერ ფერებშია წარმოდგენილი.
„მადლიერი ვარ შესაძლებლობისთვის ვიყო ამ ბრენდის საკულტო კამპანიის ნაწილი. პუერტო რიკოში გადაღებამ კამპანია ჩემთვის კიდევ უფრო გამორჩეული გახადა.“ – ამბობს Bad Bunny.
