To say Gaby Spanic – ამის თქმა ნიშნავს, რომ შენ საკულტო ბოროტმოქმედზე საუბრობ. მსახიობზე, რომელიც თამაშობდა პოპულარულ ბოროტმოქმედის როლებს ტელენოველებში, როგორიცაა La Usurpadora და La Intrusa.
გაბი, იგივე გაბრიელა სპანიკი, ქართველმა მაყურებელმა საკულტო სერიალიდან „Prisionera” (გრძნობათა ტყვეობაში) გაიცნო, სადაც ის გვადალუპე სანტოსის როლს ასრულებდა, რომელიც 15 წლიანი პატიმრობის შემდგომ, ცხოვრების ჩვეულ რიტმს უბრუნდება და ცდილობს მისი ქალიშვილის, ლიბერტადის ნდობა მოიპოვოს, რომლისთვისაც ის ცნობილია, როგორც დეიდა და არა დედა, რადგანაც გაბრიელა სპანიკის გმირი, გვადალუპე სანტოსი შვილს ციხეში აჩენს, აღსაზრდელად კი საკუთარ დას გადასცემს.
აღსანიშნავია, რომ გვადალუპე სასჯელს იხდიდა მკვლელობისთვის, რომელიც მას არ ჩაუდენია, როგორც თითქმის ყველა საპნის ოპერის, ძირითად ამბავში.
მსახიობი ამჟამად 51 წლის არის და ის კვლავინდებურად განაგრძობს საპნის ოპერებში გადაღებებს, თუმცა არა ისეთი ინტენსივობით, როგორც ადრე.
ასევე აღსანიშნავია, რომ გარდა სამსახიობო კარიერისა, სპანიკმა ძალები ვოკალურ ნაწილშიც მოსინჯა და სოლო კარიერა დაიწყო (მისი შესრულებული საუნდტრეკით გადიოდა ასევე ცნობილი სერიალი საქართველოში „ვნებათა მიწა“ სადაც სპანიკი მთავარ როლს ასრულებდა).
რამდენიმე ხნის წინ, ერთ-ერთ მექსიკურ ტელეარხზე ახალი ტელე-შოუ „Secretos de Villanas“ გამოჩნდა, სადაც ცნობილი მექსიკური სერიალების, ყველაზე ცნობილი ბოროტმოქმედი გმირების როლების შემსრულებლები არიან თავმოყრილი, რომელთა შორის გაბრიელა სპანიკიც არის.
მიუხედავად იმისა, რომ სპანიკმა ქართველ მაყურებელს, თავი დადებითი პერსონაჟებით დაამახსოვრა, რეალურად ის მექსიკასა და ვენესუელაში (სპანიკი წარმომავლობით ვენესუელიდან არის), ცნობილია როგორც ბოროტმოქმედი პერსონაჟი.
ტელე-შოუ „Secretos de Villanas“, რომელიც აერთიანებს ტელენოველების საკულტო ბოროტმოქმედთა ჯგუფს, რათა ისაუბრონ თავიანთ პირად ცხოვრებაზე, სიყვარულზე და კონკრეტულად იმაზე, თუ რა ხდის მათ ასე დასამახსოვრებელს.
„ჩვენ საკულტო ბოროტმოქმედები ვართ. ზოგს კი ჰგონია, რომ მაკიაჟით იღვიძებ, ყოველთვის იდეალურად გამოიყურები, მუდამ აპრეხილი წამწამებით, რომ არ გაქვს საჭიროებები და სურვილები, თუმცა არა, ჩვენ ვართ ადამიანები, რომლებიც გრძნობენ, იტანჯებიან, არ ვართ სრულყოფილები“, – აცხადებს სპანიკი ერთ-ერთ ინტერვიუში, იმ მსახიობი ქალების შესახებ, რომლებიც ტელე-შოუს „Secretos de Villanas“-ს ქმნიან.
შოუში, რომელიც უკვე მესამე სატელევიზიო სეზონს ითვლის, გაბრიელა სპანიკი გარდა მონაწილეობენ, ელინ მუხიკა, სინტია კლიტბოსი, საბინა მუსიერა, ლორა ზაპატა და კეტრინ სიაჩოკე (ასევე კარგად ნაცნობი ქართველი მაყურებლებისთვის). ისინი განიხილავენ და საუბრობენ მრავალფეროვან საკითხებზე, რომლებიც სცილდება უბრალოდ საკულტო ბოროტმოქმედს. როგორც სპანიკი აცხადებს, შოუს გადაღების დროს იყო წინააღმდეგობებიც, თუმცა ის ამ ყველაფერს დადებითად აფასებს და მოსწონს ის ფაქტი, რომ ყველას მიეცა საშუალება ესაუბრა ღიად იმაზე, რაზეც აქამდე საჯაროდ არ უსაუბრია და დაერღვია ის სტერეოტიპები მათი რეალური პიროვნებების შესახებ, რომლებიც სერიალების გმირების მიხედვით შეექმნათ ადამიანებს.
„სწორედ იმაში გამოიხატება ამ წინააღმდეგობების მრავალფეროვნება და საოცრება, რომ თითოეული ჩვენგანი იცავს საკუთარ მსოფლმხედველობას და თითოეული არის ისეთი, როგორიც არის რეალურ ცხოვრებაში. მე ეს ძალიან მომწონს. მომწონს, რომ ჩვენ განვიხილავთ ძალიან მნიშვნელოვანს, ძალიან რთულ თემებს. ვფიქრობ, რომ სწორედ ეს ხდის ამ შოუს წარმატებულს“, – აცხადებს სპანიკი.
ის ასევე ინტერვიუს დროს, ხაზს უსვამს, საკუთარი პერსონის თვისებებს.
„მე არ განვეკუთვნები იმ ქალების კატეგორიას, რომლებსაც თავი ისე უჭირავთ, თითქოს ცხოვრებაში ცუდს არაფერს სჩადიან, ხოლო ფარულად ძალიან ბევრ რამეს აკეთებენ. მე არ ვარ თვალთმაქცი, მე არსაიდან მოვედი, არ მყოლია გავლენიანი ადამიანები, რომლებიც დაასპონსორებდნენ ჩემს კარიერას. სწორედ ამ ყველაფრის გათვალისწინებით ჩამოვყალიბდი ისეთად, როგორიც ვარ, არაფერს არ ვმალავ ჩემში და ჩემთვის სულ ერთია რას ლაპარაკობენ ჩემზე. შენ კარგს გააკეთებ, თუ ცუდს, ისინი (ადამიანები) მაინც ისაუბრებენ შენზე“, – აცხადებს სპანიკი.
ის მადლობას უხდის თავის მაყურებელს მრავალწლიანი მხარდაჭერისთვის და იმისთვის, რომ სწორედ მათი დამსახურებით, ახალი თაობა მას გაიცნობს ან ტელესერიალებიდან ამ მიმებიდან, რომლებიც მის მიერ შექმნილი, როლების მიხედვით იქმნება.
მსახიობს ასევე არ უქმნის დისკომფორტს ის ფაქტი, რომ ის მაყურებელს დაამახსოვრდა, როგორც ბოროტმოქმედი.
„რა სასიამოვნოა ითამაშო განსხვავებული პერსონაჟები, რომელთა გამო, ადამიანები კიდევ უყურებენ შენი მონაწილეობით ფილმებს და იღებენ სიამოვნებას. ასევე რა თქმა უნდა სასიამოვნოა ახალი ადამიანები, რომლებიც ასევე ეცნობიან და პატივს სცემენ შენს პერსონას“, – აცხადებს ის.
სპანიკი ასვე იხსენებს მისი კარიერიდან ყველაზე ცნობილ და საკულტო სერიალს „La Usurpadora“, სადაც ის ტყუპ დებს ასახიერებს, რომლებსაც სრულიად განსხვავებული ბუნება და ხასიათი აქვთ.
„ადამიანები ფიქრობდნენ, რომ ეს მართლაც ჩემი ტყუპისცალი და იყო (გაბრიელა სპანიკს, რეალურ ცხოვრებაში, მართლაც ჰყავს ტყუპი და), რომელიც მეორე პერსონაჟს ასახიერებდა სერიალში. უნდა აღვნიშნო, რომ ეს იყო ორმაგი სამუშაო და არა ორმაგი ანაზღაურება (იცინის).
მსახიობი, რომელმაც უფრო მეტი პერსონაჟი განასახიერა ტელენოველებში, ვიდრე რომელიმე სხვა მსახიობმა, ძალიან ამაყია თავისი შესრულებული საქმით. სწორედ ამ საქმემ განაპირობა ის, რომ მე იმდენად ცნობილი „ბოროტმოქმედი“ ვარ, რომ საკულტო ბოროტმოქმედების გადაცემაში მოვხვდი“, – აცხადებს სპანიკი.
სპანიკის თქმით, საუბრის დროს ჩნდება გარკვეული ნოსტალგია ძველი ტელენოველების მიმართ, რომლებიც, მისი გადმოსახედიდან „უკეთესი“ იყო ვიდრე დღეს არსებული ტელენოველები.
„ბევრი გულშემატკივარი დამეთანხმება, იმაში თუ რის გამო ხდება ამდენი კლასიკის გადაკეთება დღეს“, – აცხადებს სპანიკი.
ის ასევე საუბრობს იმაზე, რომ არ აქვს პასუხი კითხვაზე, რომელსაც ყველაზე ხშირად უსვამენ ქუჩაში შემხვედრი ადამიანები.
„მე ხშირად მაჩერებენ ქუჩაში და მეკითხებიან, რატომ არ ვარ ისე აქტიურად დაკავებული ტელენოველებში, როგორც ეს ხდებოდა ადრე? არ მაქვს ამ კითხვაზე პასუხი, ბოლოს და ბოლოს მე არ ვწყვეტ ამას. ალბათ ეს დამოკიდებულია იმაზე, რამდენად არის ინტერესი ახალი სერიალების, განსაკუთრებით კი მისი ბოროტმოქმედი პერსონაჟების მიმართ“, – აცხადებს გაბრიელა.
ცნობისთვის, გაბრიელა სპანიკის შესახებ ინტერნეტ სივრცეში არც თუ ისე ბევრი ინფორმაცია მოიპოვება, თუმცა მის შესახებ ძალიან ბევრი რაიმე გაგება შეიძლება კუთვნილი Instagram-ის გვერდიდან, სადაც გაბრიელა ძალიან აქტიურია და ცდილობს მაქსიმალური კონტაქტი დაიჭიროს მის თაყვანისმცემლებთან.
